Platforma WhatsApp zbuloi se aplikacioni për desktop në Mac dhe PC do të shtojë shërbimet video dhe voice call, duke i ofruar përdoruesve telefonata end-to-end encrypted për kompjuterat dhe smartphone-ët.
Kjo nuk është një ide e re për WhatsApp, pasi ky shërbim ka filluar të testohet në disa vende të limituara gjatë dhjetorit të vitit të kaluar, por update i sotshëm nënkupton se këto shërbime tani do të vijnë për të gjithë përdoruesit e aplikacionit në desktop.
Privatësia do të jetë e njejtë me atë që ofrohet në smartphone, domethënë WhatsApp dhe Facebook nuk mund të dëgjojnë telefonatat tuaja pasi ato janë end-to-end encrypted.
Problem i vetëm qëndron në faktin se për momentin nuk do të mund të bëjmë telefonata në grup, por vetëm me një person. Mirëpo WhatsApp premton se kjo gjë do të vijë në një update të ardhshëm, data e të cilit nuk dihet.
Për të përdorur shërbimin e ri Video Call në Mac ose PC duhet të shkarkoni aplikacionin WhatsApp për desktop i cili kërkon të jeni përdorues në telefon. Pasi ta keni instaluar në desktop duhet të skanoni kodin QR për t’u futur në të llogarinë tuaj dhe pas saj do t’ju shfaqet një version desktop i llogarisë ekzistuese në WhatsApp.
