WhatsApp sapo ka zbuluar versionin e tij të fundit, me veçori të reja dhe përmirësime të dizajnit të fokusuara në bërjen e bisedave më argëtuese dhe më kreative. Më poshtë do të rendisim të gjitha ndryshimet që do të vijnë së shpejti në aplikacion.
Camera Effects
Kohët e fundit, kompania prezantoi efekte speciale gjatë video telefonatave, dhe tani po sjell efekte të reja speciale në biseda. WhatsApp thotë: “Ju pëlqyen efektet që ne prezantuam në video telefonata vitin e kaluar. Tani, kur bëni dhe dërgoni një video ose foto në bisedat tuaja, mund të zgjidhni nga të njëjtat 30 sfonde, filtra dhe efekte për të transformuar fotot tuaja.”
Ndryshimi i sfondit është një mënyrë e mirë për të tërhequr vëmendjen nga ajo që po flisni në biseda, kështu që duke i bërë imazhet dhe videot tuaja më tërheqëse mund të jetë e mrekullueshme. Këshilla jonë është vetëm 1: mundohuni të mos e teproni.
Selfie Stickers
Nëse nuk ngopeni duke parë veten, tani mund të krijoni stickers të personalizuara të cilat bazohen në autoportretin tuaj. Ju e bëni këtë duke përdorur opsionin Create Sticker dhe do të shfaqet një ikonë e kamerës. Bëni një selfie dhe mund të krijoni një sticker të personalizuar prej saj. Vini re se ndërsa kjo veçori e re është tashmë e disponueshme në Android, nuk është ende në iPhone, por do të vijë së shpejti.
Sticker Pack Sharing
Nëse hasni një paketë stickers që ju pëlqen, tani mund ta ndani atë me dikë tjetër që mendoni se do t’i pëlqente gjithashtu. Kjo bëhet lehtësisht duke e ndarë drejtpërdrejt në bisedat tuaja.
Reactions më të shpejta
Më në fund në WhatsApp, ashtu si në shumë aplikacione të tjera, ju do të mund të reagoni ndaj një mesazhi duke e prekur atë dy herë. Ky është një përmirësim i mirë dhe e bën të thjeshtë dhe të shpejtë lënien e një reaction.
