“Një sticker vlen sa 1 mijë fjalë.” Nuk është ekzaktësisht kjo shprehja e urtë popullore, por tregon për rëndësinë që stickers kanë në situata të ndryshme. Mirëpo ne shpenzojmë shumë kohë për të gjetur një sticker që përshtatet me situatën tonë.
Për këtë arsye, WhatsApp po sjell një shërbim i cili ju sugjeron stickers në bazë të tekstit që ju shkruani. E gjitha kjo funksionon mjaft thjeshtë. Mjafton të shkruani një fjalë ose emoji në textbox, dhe butoni i emojit do të marrë një ngjyrë jeshile, gjë që tregon se WhatsApp ka gjetur një sticker për ty. Pasi të shtypni butonin e emojit do t’ju paraqiten stickers të rekomanduara.
Ky shërbim ka ardhur vetëm tek një pjesë e vogël e përdoruesve në Android, sipas WABetaInfo, dhe nëse ju jeni një ndër të “përzgjedhurit”, mund ta kontrolloni thjeshtë duke parë nëse gjatë shkrimit të tekstit ngjyra e butonit të emojit do të ndryshojë.
Përderisa nuk është përdorur në masë, nuk është ende e ditur nëse ky shërbim funksionon me stickers të veçanta që vijnë nga aplikacione të palës së tretë, pasi ato mund të kenë një emërtim jo të përshtatshëm.
