Pavarësisht popullaritetit dhe numrit mjaft të madh të përdoruesve, WhatsApp nuk është aplikacioni me më shumë shërbime në treg. Megjithatë Meta bën më të mirën e saj për të përshtatur në WhatsApp shërbimet më të rëndësishme që gjenden në aplikacione të tjera rivale.
Tashmë platforma ka nisur të testojë një shërbim të ri që do të lejojë përdoruesit të bëjnë pin mesazhet në versionin beta 2.23.3.17 të WhatsApp Bussines beta për Android. Ky screenshot i publikuar nga WABetaInfo e bën shumë të qartë mënyrën se si do të funksionojë ky shërbim. Ju duhet të instaloni versionin më të ri të WhatsApp për të shikuar mesazhet e bëra pin ose ta përdorni vetë këtë shërbim.
Bërja pin e mesazheve mund të jetë një shrëbim tepër i rëndësishëm për t’u përdorur në group chats kur jepet një lajm tepër i rëndësishëm.
Sigurisht që ky shërbim nuk është i ri, pasi është implementuar në Telegram prej disa vitesh. Në Telegram ju keni mundësinë të bëni pin dhe 2 mesazhe njëkohësisht nëse keni dëshirë. Në WhatsApp besohet se do të jetë e mundur që çdo pjesëmarrës në grup do të ketë mundësinë për të bërë pin një mesazh.
