Utah është bërë shteti i tretë amerikan që ka ngritur një padi kundër TikTok, duke pretenduar se aplikacioni ka krijuar me vetëdije një varësi të fëmijëve ndaj platformës.
Zyrtarët e Utah-s pretenduan se “gjigandi i mediave sociale i nxit fëmijët në mënyrë jo të ligjshme që të përdorin platformën në mënyrë jo të shëndetshme dhe keqinterpreton sigurinë e aplikacionit” dhe në mënyrë mashtruese e portretizon veten si të pavarur nga kompania e saj mëmë me bazë në Kinë.
Guvernatori republikan Spencer Cox njoftoi padinë të martën, duke iu bashkuar Indiana dhe Arkansas, të cilat kanë bërë akuza të ngjashme. Padia synon të detyrojë TikTok të ndryshojë ‘sjelljen e tij shkatërruese’ përmes vendosjes së gjobave për të financuar përpjekjet arsimore dhe për të trajtuar dëmin e shkaktuar ndaj fëmijëve në Utah. Zyrtarët po kërkojnë gjithashtu vendosjen e një kufiri dixhital për të miturit, duke kërkuar pëlqimin e prindërve për t’u regjistruar në aplikacionet e mediave sociale dhe duke detyruar kompanitë të verifikojnë moshat e të gjithë përdoruesve të tyre në Utah.
Megjithatë, jo të gjithë amerikanët janë dakord me ndalimin e përdorimit të TikTok dhe janë dakord me platformën e cila thotë që një ligj i tillë shkel lirinë e tyre të shprehjes.
Dhe kompanive të teknologjisë do t’u kërkohet t’u japin prindërve akses në llogaritë e fëmijëve të tyre, duke përfshirë mesazhet private. Një zëdhënës i TikTok tha: “TikTok ka marrë masat më të mira në industry për të rinjtë, duke përfshirë një kufi kohor automatik prej 60 minutash për përdoruesit nën 18 vjeç dhe kontrollet prindërore për llogaritë e adoleshentëve. Ne do të vazhdojmë të punojmë për të mbajtur komunitetin tonë të sigurt duke trajtuar sfidat në mbarë industrinë.”
Mirëpo zyrtarët thanë se ‘sjellja’ e TikTok në shtet është shqetësuese sepse ka përqindjen më të madhe të fëmijëve për frymë në vend – më shumë se 27% e qytetarëve që janë nën 18 vjeç. “Ne nuk do të tolerojmë më që TikTok të mashtrojë prindërit se aplikacioni i tij është i sigurt për fëmijët,” tha guvernatori Cox. “Kompanitë e mediave sociale duhet të mbajnë përgjegjësi për dëmin që po shkaktojnë.
