TikTok po teston një software të ri streaming për PC të quajtur TikTok Live Studio, i cili lejon përdoruesit të transmetojnë pamje live nga lojërat dhe aplikacionet e tjera në desktopin e tyre. TikTok tregon se ky software momentalisht po testohet nga një numër i vogël përdoruesish, por faqja zyrtare në website-n e kompanisë është fshirë.
Nëse ky software publikohet, atëherë ai mund të bëjë një ndryshim interesant në strategjinë streaming të kompanisë. Në vend që të fokusohet tërësisht në përdoruesit që përdorin TikTok direkt nga smartphone-t, kompania ka një shans të zgjerohet dhe në game streaming, duke u shndërruar në një rival tepër i fortë për Twitch, YouTube Gaming dhe Facebook Gaming.
It’s super basic in its current state.
Has both Landscape and Portrait Scenes.
Sources include Game Capture, Mobile Capture, Video Capture, Program Capture, and some text/images. No browser sources, or alerts.
Emojis are limited to the stock ones. pic.twitter.com/oOHwUbSdUF
— Zach Bussey (@zachbussey) December 15, 2021
Sipas Zach Bussey, i cili publikoi dhe screenshot-et e TikTok Live Studio në Twitter, software-i është në gjendje të transmetojë pamjet live në drejtimet horizontale dhe vertikale dhe mund të marrë pamjet nga video-lojrat, programet e ndryshme, kamerat dhe smartphone-t.
Më parë për të bërë stream TikTok nga një pajisje desktop ju duhet të përdornit një aplikacion të palës së tretë të quajtur StreamLabs, në të cilin aksesi është i limituar.
Ende nuk është e qartë se kur TikTok do të sjellë Live Studio tek përdoruesit në mbarë botën.
