TikTok është rrejti më i ri social i cili ka vendosur të largojë nga platforma trendin e BeReal, duke lajmëruar se do të largojë shërbimin “TikTok Now” (tepër i ngjashëm me BeReal).
TikTok Now ishtë lançuar si një shërbim i ri në disa tregje në mbarë botën, ndërsa në disa tregje të tjera u prezantua si një apliakacion i veçantë. Nuk dihet ende nëse aplikacioni i veçantë do të ndalojë së funksionuari, apo do të largohet vetëm shërbimi i integruar në TikTok.
Siç mund ta shihni në këtë njoftim, të shpërndarë nga eksperti i mediave sociale, Matt Navarra, opsioni së shpejti do të ndalojë së funksionuari, megjithëse përdoruesit do të jenë ende në gjendje të aksesojnë përmbajtjen e tyre të postuar më parë në TikTok Noë në aplikacion.
Kjo është shenja më e fundit që trendi BeReal po zbehet, me vetë aplikacionin që po sheh gjithashtu një rënie te përdoruesve. Kohët e fundit BeReal filloi testimin e një Bonus BeReal me përdoruesit në Mbretërinë e Bashkuar, si dhe “RealPeople”, i cili u mundëson përdoruesve të ndjekin postimet e personave të famshëm.
Megjithatë BeReal thotë se gjithç po shkon mirë. Në prill, aplikacioni raportoi se kishte deri në 20 milionë përdorues aktivë në ditë dhe po vazhdon të rritet në mbarë botën. Kjo është një rritje në krahasim me 10 milionë përdoruesit që raportoi në gusht 2022, por gjithashtu tregon se nuk ka mbajtur një vrull të konsiderueshëm rritjeje në gjashtë muajt e mëparshëm.
Për këtë arsye dhe Instagram ka punuar me ritme të ngadalta për të ofruar shërbimin e ngjashëm me BeReal, Candid.
