Përdoruesit e TikTok – veçanërisht të rinjtë – po e trajtojnë gjithnjë e më shumë aplikacionin si një motor kërkimi për të gjetur gjithçka, nga restorantet në afërsi e deri tek lajmet. Rezultatet e kërkimit të TikTok, nga ana tjetër, pasqyrojnë atë ndryshim.
Gjatë kësaj jave u vu re se aplikacioni kishte shtuar disa copa informacioni të marra nga Wikipedia në në hapësirën e rezultateve të kërkimit për njerëz, vende dhe ngjarje. Zëdhënësi i TikTok, Zachary Kizer, konfirmoi për The Verge se kompania po bashkëpunon me Wikipedia për t’u sjellë informacion përdoruesve drejtpërdrejti në aplikacion.
:format(webp)/cdn.vox-cdn.com/uploads/chorus_asset/file/24918603/IMG_4758.png)
Kizer thotë se funksioni ka qenë i pranishëm për disa muaj, por nuk duket se kompania e ka njoftuar zyrtarisht një partneritet të tillë. Funksioni i Wikipedia shfaqet ndërsa përdoruesit lëvizin poshtë nëpër rezultatet e kërkimit brenda aplikacionit dhe vendosen mes videove përkatëse. Klikimi mbi fragment e çon një përdorues direkt në Wikipedia.
Por hyrjet në Wikipedia nuk shfaqen në mënyrë konsistente për vende të ndryshme që ju kërkoni. TikTok ka shtuar veçori të tjera në funksionin e tij të kërkimit, i cili është ende shumë më pak i fuqishëm se një kërkim tradicional në Google. Muajin e kaluar, kompania filloi të fitonte para nga rezultatet e kërkimit duke vendosur përmbajtje të sponsorizuara midis videove organike. Një partneritet me IMDb i shpallur në fillim të këtij viti i lejon krijuesit të lidhin filma dhe shfaqje televizive në videot e tyre, dhe fragmentet e IMDb shfaqen gjithashtu në disa rezultate kërkimi.
