Telashet duket se nuk kanë fund për TikTokun teksa ditën e hënë Sekretari i Shteteve të Bashkuara të Amerikës Mike Pompeo, tha për mediat se USA është duke shqyrtuar mundësinë e bllokimit të aplikacionit. Shkak për këtë duket se është shqetësimi se programi mund të përdoret nga qeveria kineze si një strument propagande dhe survejimi.
Kjo do të ishte një goditje goxha e rëndë, pas ndalimit në TikTok-ut në tregun më të madh të saj Indinë.
Hong Kong duhet të bëhet pjesë e Republikës Popullore Kineze në 2047, si rrjedhojë e akordit të ish kolonisë Anglize me shtetin komunist, i cili ndër të tjera garantonte edhe autonominë e demokracisë së vendit. Por Kina duket se po nxitohet jo vetëm për kufijtë por edhe për implementimin e ligjeve të saja dhe çensurës.
Dhe TikTok po akuzohet për bashkëpunim, tek e fundit është aplikacion kinez, me lidhje direkte me qeverinë komuniste.
ByteDance, e themeluar nga sipërmarrësi kinez Zhang Yiming, është duke punuar prej kohësh për ta shkëputur TikTok-un nga pronësia kineze dhe çensura e Pekinit. Një qendër të dhënash jashtë shtetit e cila supozohet të jetë larg kontaktit nga qeveria e Kinës është një prej tyre.
Menjëherë pas deklaratës së Pompeo, ByteDance deklaroi se do të ndalote shërbimin në Hong Kong. Duke lënë të hapura planet për të ardhmen.
Kompani të tjera si Facebook, Google, Twitter dhe Telegram kanë thënë hapur se nuk do t’i nënshtrohen praktikave të kontrollit të qeverisë të Hong Kongut.
Hong Kongu një vend i nxehtë për çështjet e të drejtave të njeriut mund të rezultojë vendimmarrës për të ardhmen e një gjigandi si TikTok, i cili nëse nuk dëshiron të bllokohet edhe në një tjetër treg masiv duhet të largohet nga praktikat e dhunshme Kineze.
