Pasi shumë aplikacione të ndryshme u munduan të “huazonin” formulën e TikTok, me sa duket ka ardhur rradha që dhe TikTok të “frymëzohet” nga aplikacionet e tjera. Tashmë kjo platformë ka nisur testimin e një shërbimi të ri të quajtur TikTok Stories.
Ky shërbim do të funksionojë në mënyrë të ngjashme si stories në Instagram ose Snapchat. Ato do të vendosen në një sidebar që mund të rrëshqitet, ku ju mund të shikoni stories të publikuara nga personat që ju keni follow për 24 orë para se ato të fshihen. Ju mund t’i përgjigjeni këtyre stories me reaction ose komente gjithashtu.
Plot twist!
h/t @amanfirdaus pic.twitter.com/gvQMzixYtS
— Matt Navarra (@MattNavarra) August 4, 2021
TikTok e quan këtë shërbim si një “mënyrë e re për të qenë i lidhur me miqtë tuaj”. Për të krijuar një story të re mjafton të krijoni në butonin Create që është shtuar në sidebar. Për të ruajtur origjinat e saj, TikTok lejon përdoruesit të publikojnë vetëm video stories dhe jo foto.
“Ne po mendojmë vazhdimisht rreth mënyrave të reja për të pasurar vlerat e komunitetit dhe për të përmirësuar eksperiencën në aplikacion.” u shpreh një zëdhënës i TikTok.
Fakti se TikTok po eksperimenton me Stories nuk është shumë surprizues, pasi që nga koha e ideimit të tyre nga Snapchat ato kanë qenë një shërbim konstant në rrjetet sociale, duke u adoptuar më pas nga Instagram, Facebook, Linkedin, Pinterest, Netflix dhe Youtube.
