TikTok ka nisur të testojë një opsion të ri që i lejon pëdoruesit të krijojnë një avatar për ta vendosur si fotografi profili nëpërmjet inteligjencës artificiale.
Shërbimi i ri duket se do të ofrojë një imazh të ilustruar plot stil duke u bazuar në fotografinë aktuale tuaj të profilit, siç tregon dhe Matt Navarra, një ndër personat e parë që ka komunikuar rreth kësaj risie. Do të duhet pak kohë deri sa ky shërbim të vijë pranë të gjithë përdoruesve pasi është ende në fazat e para të testimit.
TikTok has a NEW generative AI avatar creator! ???
View thread to see what it can do ? pic.twitter.com/TDBbwok6bt
— Matt Navarra (@MattNavarra) April 25, 2023
“Ne po mendojmë gjatë gjithë kohës për mënyra se si të shtojmë vlera në komunitet dhe të pasurojmë eksperiencën në TikTok, ndërkohë që krijojmë një hapësirë të sigurt që argëton, inspiron kreativitet dhe nxit kulturën.” tha një zëdhënës i TikTok në një deklaratë. “Në disa regjione specifike ne po testojmë një mënyrë të re për të krijuar dhe shpërndarë fotografi në profil me komunitetin e TikTok.”
Fotografitë e gjeneruara nga inteligjenca artificiale janë shndërruar tashmë në një trend, megjithatë ekspertët e privatësisë dhe artistët dixhitalë kanë vënë re tendencat e kësaj teknologjie për të seksualizuar imazhet, për ta bërë lëkurën më të zbehtë dhe trupin më të hollë.
