Faza tjetër e TikTok po vjen, me disa përdorues që tani shohin opsionin për të ngarkuar video të gjata deri në 30 minuta në aplikacion, gjë që po testohet në versionin beta.
Në të vërtetë kjo nuk është ndonjë surprizë e madhe. TikTok ka rritur vazhdimisht kufirin maksimal të postimeve për vite me radhë, me platformën që fillimisht fillonte me 15 sekonda për klip, e cila më pas u zgjat në 60 sekonda, më pas 3 minuta, pastaj 5 minuta, përpara se të rritet në 10 minuta në 2022.
Tetorin e kaluar, TikTok filloi të eksperimentonte me ngarkime 15 minuta, kështu që tendenca drejt klipeve më të gjata nuk është e re. Megjithëse 30 minuta ka të ngjarë të jetë kufiri i sipërm, bazuar në versionin kinez të aplikacionit. Douyin, që është versioni i TikTok në Kinë, e zgjeroi kufirin e ngarkimit në 30 minuta për klip në vitin 2022 dhe nuk ka shkuar më tej ende.
Dhe me sa duket, ky format është përshtatur mirë në versionin kinez të TikTok, dhe kjo është arsyeja pse platforma po kërkon të zbatojë të njëjtën gjë në versionin global.
A do të mirëpritet një gjë e tillë nga përdoruesit e aplikacionit? TikTok e ka krijuar infrastrukturën për të mbështetur një ndryshim të tillë si për krijuesit dhe për ndjekësit. Krijuesit do të kenë gjithashtu mundësinë për të fituar më tepër para nga kjo strategji, pasi në këtë mënyrë ato do të mund të shfaqin reklama si në YouTube, në fillim të videos apo dhe në mes të saj.
