Një studim i ri nga Mozilla ka zbuluar se dhe kur përdoruesit i tregojnë YouTube se nuk janë të interesuar në video të një lloji të caktuar, rekomandimet vijnë sërisht për të njëjtin format videosh.
Duke përdorur të dhënat e rekomandimeve të më tepër se 20,000 përdoruesve të YouTube, studiuesit në Mozilla zbuluan se butonat si “not interested, dislike, stop recommending this channel, dhe remove from watch history” nuk janë aspak efektivë në parandalimin e rekomandimit të videove të reja nga algoritmi i platformës.
Për të mbledhur të dhënat nga përdoruesit e vërtetë, studiuesit në Mozilla hartuan një listë me vullnetarë që kanë përdorur më parë RegretsReporter (browser extension). Më pas duke grumbulluar të dhënat e mbi 500 milionë videove të rekomanduara, asistentët krijuan mbi 44,000 video të cilat ishin të “ndaluara” apo video që rekomandoheshin shpesh herë nga YouTube. Më pas ata përdorën machine learning për të vendosur nëse rekomandimet ishin të ngjashme me videot e refuzuara nga përdoruesit.
Klikimi i butonave “dislike” apo “not interested” ishin shumë pak efektive në parandalimin e rekomandimeve të këqija, duke parandaluar vetëm 12% dhe 11% të rekomandimeve të këqija respektivisht. “Don’t recommend this channel” dhe “remove from history” ishin pak më tepër efektive, duke parandaluar 43% dhe 29% të të gjithë rekomandimeve të këqija.
