Snap, kompania mëmë e rrjetit social Snapchat, tregoi ditën e hënë se do të publikojë një version të Snapchat për web, duke lejuar të gjithë përdoruesit të dërgojnë mesazhe dhe të bëjnë video-telefonata me kontaktet e tyre nga kompjuteri.
Ky është një zhvillim i rëndësishëm i kompanisë që e bazoi suksesin e saj tek personat e rinj në moshë dhe në shërbimin viral të shpërndarjes së fotografive. Duke lëvizur drejt desktop, duket se Snap ka kuptuar që përdoruesit e saj janë rritur dhe janë duke punuar para ekranit të kompjuterit.
Versioni i ri për desktop i Snapchat fillimisht do të jetë i aksesueshëm vetëm në Australi dhe Zelandën e Re, dhe për të gjithë personat e abonuar në Snapchat+ në SHBA, Kanada dhe Mbretërinë e Bashkuar. Snapchat+ është një version premium i aplikacionit, që sjell disa shërbime të veçanta për përdoruesit më të mëdhenj të rrjetit social.
Versioni për web i Snapchat nuk i ofron të gjitha shërbimet që gjenden në aplikacionin për mobile, por ju do të keni mundësinë të dërgoni mesazhe që zhduken pas 24 orësh dhe të kryeni video-telefonata.
Me kalimin e kohës Snap tregon se më tepër shërbime do të vijnë në versionin për desktop, si përdorimi i Lens gjatë një video telefonate.
Aktualisht, përdoruesit mund ta aksesojnë Snapchat vetëm nëpërmjet Chrome, por kompania tha se po punon për të suportuar broësers të tjerë në të ardhmen.
