Përdorimi i pajisjeve Android ka qenë fantastik gjatë viteve të fundit. Përdoruesit e këtij sistemi operativ kanë shumë pajisje tè ndryshme për të zgjedhur të cilat janë pajisur me shërbime të reja para se ato të adoptohen nga sistemet e tjera operative si iOS. Mirëpo një problem i Android qëndron në pjesën e komunikimit dhe video-telefonatave me miqtë që përdorin një iPhone.
Dhe pse ka shumë aplikacione alternative, këto përdorues preferojnë të përdorin iMessage dhe FaceTime. Tashmë dhe përdoruesit e Android mund të përdorin FaceTime dhe ne do t’ju tregojmë mënyrën se si ta përdorni.
Miqtë tuaj që kanë një iPhone do të duhet të fillojnë telefonatën dhe mund t’ju bëjnë pjesë të kësaj telefonate shumë shpejt duke bërë share linkun e FaceTime.
- Fillimisht ju duhet të klikoni mbi linkun e shpërndarë për të marrë pjesë në telefonatë.
- Shkruani emrin tuaj.
- Shtypni Continue.
- Jepini leje kësaj faqeje që të përdorë kameran dhe mikrofonin tuaj.
- Klikoni Join.
- Prisni që personi t’ju pranojë në këtë telefonatë.
- Tashmë ju mbetet vetëm të kënaqeni gjatë telefonatës tuaj.
Kaq ishte e gjitha.
Kur ju të jeni në një telefonatë do të mund të përdorni opsionet si fikjen dhe ndezjen e mikrofonit, fikjen dhe ndezjen e kameras ose dhe ndërrimin midis asaj selfie dhe të pasme e shumë të tjera.
