Etiketat e reja në App Store kanë hyrë në fuqi dhe kanë shkaktuar mjaft polemika. Me mbërritjen e iOS 14.3, të gjitha aplikacionet në dyqanin e Apple kanë të listuar cilat të dhëna mbledhin ato për ty. Duke dhënë kështu një dimension të ri marrdhënies aplikacion – përdorues.
Si duhen interpretuar këto ndryshime? Së pari shko në App Store dhe të gjej aplikacionin e dëshiruar, më pas shko poshtë tek kategoria App Privacy nga ku do të gjesh etiketat e ndara në tre kategori. “Data used to track you” të cilat janë të dhëna të monitoruara nga iPhone jot për të të ofruar reklama.
“Data linked to you” është informacion i lidhur me identitetin tënd, si vendndodhja apo informacionet e kontaktit, ku ka edhe të dhënat më të ndjeshme si historiku yt, informacione financiare etj.
Dhe kategoria e tretë zakonisht lidhet me diagnostika, info e përgjithshme për mënyrën si e përdor aplikacionin etj.
Duke ditur çfarë aplikacionet mbledhin për ty mund të zgjedhësh cilat aplikacione të shkarkosh e cilat jo. Po t’i hedhësh një sy më poshtë materialeve që Facebook mbledh për ty, do kuptosh fare mirë përse rrjeti social është i acaruar me Apple.
Në fund fare, mblidhet tek cilit i beson e cilit jo, por sidoqoftë mundesh të bësh një ndarje, duke ditur për çfarë shërben ai aplikacion logjikisht kupton se për çfarë i duhet informacioni. Nëse aplikacioni është për motin, është e natyrshme që i duhet vendndodhja, por nëse ai është për fitness, për çfarë po i duhet? Thënë kjo, pasi instalon një aplikacion, tashmë me opsionet e reja të privatësisë së iPhone mund të zgjedhësh vetë lejet e privatësisë, ndaj nëse e shkarkon atë nuk do të thotë se në mënyrë automatike ke dhënë konsensus për mbledhje të dhënash dhe akses.
