Koncepti i postës elektronike ka ndryshuar me kohën, një email të duhet patjetër por ndonjëherë bëhet e vështirë të organizosh mijra mesazhe dhe opsione.
Nëse je përdorues i Gmail ja disa mënyra efikase se si ta bësh më të sigurt atë:
1. Bëj block spam-et e vazhdueshëm
Mesazhe spam marrim të paktën 10 deri në 20 në javë, varet sa dërgues e kanë emailin tënd. Në vend që të rrish të fshish mesazhet një nga një më mirë bllokoje, të paktën e di që nga i njejti email nuk do të marrësh më mesazhe të padobishme.
2. Rrit kohën e Undo Send
Sa herë na ka ndodhur që ti japim send dhe menjëherë të kujtohesh për diçka që nuk e ke përfshirë apo sheh ndonjë gabim, në një chat do e shkruaje poshtë, por emaili është formal e s’mund të bësh ecajake. Koha Undo Send është një opsion i cili vonon qëllimisht dërgimin tek marrësi, i parapërcaktuar automatikisht 10 sekonda por nëse do mund ta rrisësh deri në 30 nga: Settings – General – Undo Send.
3.Confidential Mode
Me këtë opsion, marrësi i mesazhit tënd nuk do të mund të kopjojë, të bëjë forward, printojë apo shkarkojë atë. Mund të caktosh një afat vetëshkatërrimi madje ta mbrosh edhe me një kod tëndin.
Në rast se po dërgon diçka konfidenciale niveli i sigurisë është më i lartë kështu.
4. Fshi të dhënat offline Cache
Gmail funksionon edhe kur nuk ke tashmë, nuk mund të dërgosh apo të marrësh gjë por mund të organizosh materialet e tua. Dikush që di çfarë kërkon ama mund të gjejë mjaft gjëra delikate edhe tek materialet e ruajtura si cache ndaj këshillohet ti fshish sa herë të jetë e mundur.
5. Fshih imazhet e jashtme
Një foto e përshfirë në një email që të vjen në inbox mund të duket krejt e padëmshme por nëpërmjet saj një keqbërës mund të mësojë shumë gjëra, nëse e ke klikuar, me cfarë aparati po e hap si dhe a e bëre forward apo jo. Google i skanon automatikisht dhe për të të ruajtur nga rreziku i fsheh ato por nëse do më shumë siguri mund ta përcaktosh për të gjitha mesazhet.
