Pas gjithë historive jo fort të këndshme me privatësinë dhe të sigurinë në Facebook, ndoshta je duke e shkuar nëpër mend që të dalësh njëherë e mirë nga rrjeti social më i famshëm në botë. Përpara se t’a bësh këtë bën mirë që të tërheqësh nga arkiva gjithë të dhënat e ruajtura aty për ty. Ato do të mbeten në regjistrat e kompanisë por sidoqoftë, e mira është që t’a tërheqësh dosjen tënde tani sa mundesh.
Ndiq këto hapa:
-Nëpërmjet trekëndëshit lart, djathtas shko tek “Settings & Privacy” e më pas tek “Settings”.
-Në anën e majtë kliko “Your Facebook Information”.
-Në qendër radha e tretë duhet të gjesh “Download your information” .
-Këtu mund të zgjedhësh cilat të dhëna do të shkarkosh, formatin e tyre si dhe cilësinë.
-Kur të jesh gati, kliko mbi “Create File”. E më pas do të lajmërohesh me email, kur materialet e tua të jenë gati.
Me të bërë këtë je gati që të largohesh përgjithmonë nga ajo faqja cool e një kohe, të cilën sot e përdorin vetëm tezet e xhaxhallarët që ke kohë pa i takuar. Por kij kujdes, nëse e bën këtë nuk do të kesh më mundësi të riaktivizosh atë llogari, ajo do të jetë e humbur përgjithnjë. Nëse je i bindur ndiq këto hapa:
-Shko tek “Your Facebook Information”
-Zgjidh “Deactivation and Deletition”, këtu mund të zgjedhësh nëse do t’a fshish përkohësisht apo përgjithmonë.
-Nëse vendimi është përgjithmonë zgjidh “Delete Account”.
-Tek dritarja e radhës do të të jepet mundësia të shkarkosh të dhënat e tua, ose të rimendohesh, nëse zgjedh “Delete My Account”, llogaria do të kalojë për mbyllje të plotë dhe askush që përdor Facebook nuk do të shohë më profilin tënd.
Kompania i ka lënë një dritare veprimi kujt pendohet sidoqoftë, fshirja totale kërkon dy ditë, nëse gjatë këtyre ditëve provon të futesh përsëri, kërkesa do të anullohet.
