WhatsApp ka lançuar një shërbim të ri të quajtur Secret Code për të ndihmuar përdoruesit të mbrojnë “bisedat sensitive” me një fjalëkalim të personalizuar në platformën e mesazheve.
Shërbimi është përshkruar si një “mënyrë ekstra për të mbrojtur bisedat tuaja private dhe për t’i bërë ato më të vështira për t’u gjetur nëse dikush ka akses në telefonin tuaj ose nëse ndani një telefon me dikë tjetër“. Secret Code bazohet në një shërbim tjetër të quajtur Chat Lock që WhatsApp prezantoi në maj, i cili i zhvendos bisedat në një dosje të veçantë të tyre, në mënyrë që ato të mund të aksesohen vetëm pasi të futet fjalëkalimi i pajisjes ose të vërtetohet identiteti i tyre biometrik.
Duke vendosur një fjalëkalim unik për këto biseda të kyçura që janë të ndryshme nga fjalëkalimi i përdorur për të zhbllokuar telefonin, qëllimi është t’u jepet përdoruesve një shtresë e re privatësie, tregoi WhatsApp. “Ju do të keni mundësinë për të fshehur dosjen Locked Chats nga lista juaj e bisedave në mënyrë që ato të mund të zbulohen vetëm duke shtypur kodin tuaj sekret në shiritin e kërkimit,” shtoi kompania.
Zhvillimi vjen disa javë pasi WhatsApp prezantoi një veçori “Protect IP Address in Calls” që maskon adresat IP të përdoruesve te palët e tjera duke transmetuar thirrjet përmes serverëve të saj.
