Netflix sapo ka lançuar një shërbim të ri i cili do ta bëjë më të thjeshtë që ish-i juaj të mos e përdorë më adresën në platformë që i keni dhënë.
Në seksionin “Manage Access and Devices” do të gjeni një shërbim që lejon pjesëtarët të shikojnë se cilat kanë qenë pajisjet e fundit që e kanë përdorur Netflix. Në rast se ju shikoni një pajisje të panjohur, apo që e dini se po e përdor ish-i juaj, atëherë do të keni mundësinë që të bllokoni aksesin e kësaj pajisje.
Imazhet e publikuara nga Netflix tregojnë se shërbimi i ri liston pajisjen që është përdorur së bashku me emrin e përdoruesit, vendndodhjen e tij dhe detajet se kur është përdorur për herë të fundit. Platforma vendosi ta publikonte këtë shërbim fiks para ardhjes së sezonit festiv pasi shumë më tepër njerëz “do të vihen në lëvizje” dhe do të kryejnë një abonim të ri në Netflix.
“Me sezonin tepër të zënë të pushimeve që po na vjen, shumë nga anëtarët tanë do të lëvizin nga një vend në tjetrin dhe do të shikojnë Netflix kudo që udhëtojnë për të parë të afërmit e tyre. Shpesh herë ju mund të logoheni me adresën tuaj në një hotel, por harroni më pas të bëni log out pasi largoheni.” lexohet në lajmërimin e Netflix.
Ju mund ta aksesoni shërbimin e ri në Account Settings në të gjitha platformat, qoftë iOS, Android apo web.
