Roland Cloutier, shefi global i sigurisë në TikTok i cili mbikëqyr sigurinë kibernetike, do të largohet nga pozicioni i tij por do të jetë sërisht pjesë e kompanisë. Kjo gjë është bërë e ditur nga një memo e brendshme e siguruar nga Reuters.
“Me lajmërimin tonë të kohëve të fundit mbi ndryshimet e menaxhimit të të dhënave në SHBA, është koha për mua që të largohem nga roli si Shef i Sigurisë Globale dhe të shkoj në një pozicion më strategjik këshillues që fokusohet në impaktin e sigurisë në biznes dhe programet e besimit, duke punuar në mënyrë të drejtpërdrejtë me (CEO) Shou, (Zëvëndëpresidenti i Teknologjisë) Dingkun dhe drejtues të tjerë të lartë.” shkruajti Cloutier në memo.
TikTok punësoi Cloutier në vitin 2020, i cili u largua nga puna e tij aktuale në ADP, dhe pse po kryheshin hetime nga rregullatorët amerikanë mbi mënyrën se si kompania ruante të dhënat personale.
Kim Albarella, një pjesëtar i lartë në ekipin e sigurisë së TikTok, do të shërbejë si një drejtues i përkohshëm i Sigurisë Globale. Albarella gjithashtu ka punuar në ADP për më tepër se 1 dekadë.
