Samsung ofron Expert RAW për të gjithë personat me aftësi në fushën e fotografimit, mirëpo audience e gjërë e përdoruesve të smartphone-ve Samsung nuk dinë funksionin e secilit opsion në këtë aplikacion.
Prandaj, Samsung ka prezantuar një tjetër aplikacion të quajtur Galaxy Enhance-X, i cili do të shërbejë si një “editues magjik” dhe do të përmirësojë kualitetin e fotografive përmes inteligjencës artificiale.
Pra, ky aplikacion do të jetë editues, dhe jo si një kamera në formën e Expert RAW. Ju mund të merrni të gjitha fotot që gjenden në smartphone-in tuaj të cilat kanë nevojë për t’u edituar dhe t’i hapni në këtë aplikacion.
Algoritmet e fuqizuara nga inteligjenca artificiale mund të largojnë blur-in nga fotografitë tuaja, madje të shtojnë dhe një efekt portreti në to, të ndriçojnë apo të errësojnë një fotografi, ose të simulojë HDR duke i bërë imazhet më të pastra.
Një shërbim interesant është dhe ai që eleminon screen flickering kur ju shkrepni një fotografi të një ekrani dixhital. Në fund, pasi të mbaroni editimin, si imazhi origjinal dhe ai i edituar do të ruhen në galeri, në mënyrë që ju të keni mundësinë e rirregullimit nëse nuk ju pëlqen rezultati.
Disa nga efektet bëjnë një punë shumë të mirë në editimin e fotografive të vjetra me kamera pa shumë kualitet.
