Rregullatori rus Roskomnadzor ka gjobitur Google me 21.1 miliardë rubla ($373 milionë) pasi pretendon se kompania nuk ka arritur të parandalojë aksesin në përmbajtjet e ndaluara në lidhje me luftën në Ukrainë.
Roskomnadzor tregoi se në këto informacione përfshiheshin “raportime fallco” që zhvlerësojnë ushtrinë ruse dhe postime që nxisnin njerëzit të ngriheshin në protesta. Ato e quajtën Google një “shkelës sistemik” të ligjeve të tyre.
Filiali lokal i kompanisë deklaroi falimentimin gjatë muajit të kaluar pasi autoritetet ruse sekuestruan llogarinë bankare lokale, 7.2 milionë rubla që kompania i detyrohej shtetit për arsye të ngjashme gjatë vitit të kaluar.
Gjatë viteve të fundit Rusia ka rritur presionin ndaj kompanive të teknologjisë, duke i akuzuar ato për mos moderimin e përmbajtjeve dhe ndërhyrjes në punët e brendshme të shtetit.
Përpjekjet për të kontrolluar rrjetet sociale dhe website-t e lajmeve janë rritur shumë pas fillimit të luftës kundër Ukrainës. Madje qeveria ka miratuar një ligj ku kërcënon të gjithë njerëzit që shpërndajnë “lajme të rreme” mbi luftën me 15 vite burgim.
Në mars, Google ndaloi ofrimin e shërbimeve të reklamimit në Rusi. Gjithashtu kompania ka rritur kufizimet për të gjitha adresat e lajmeve të mbështetur nga Rusia.
Sipas medias shtetërore, gjoba prej 21.1 miliardë rublash është gjoba më e madhe e vendosur ndonjëherë ndaj kompanive të teknologjisë në Rusi.
