TikTok ka lançuar rivalin e tij në Instagram, TikTok Notes, për përdoruesit e përzgjdhur të Android dhe iOS, të cilët do të mund të“shkarkojnë dhe testojnë në mënyrë të kufizuar aplikacionin në Australi dhe Kanada”.
Një postim në X që njoftonte lançimin, si dhe listimi në App Store dhe Google Play, treguan disa imazhe zyrtare të aplikacionit që ofrojnë informacione se si funksionon për të gjithë personat që nuk kanë ende akses në këtë app. Në to, ne shohim që ju mund të shkruani titull kryesor më të theksuar se pjesa tjetër e tekstit për imazhet që postoni, gjë që është një veçori që Instagram nuk e ofron.
Faqja kryesore gjithashtu duket se është e ndarë në dy seksione, me një faqe të veçantë ku mund të shikoni postimet nga njerëzit që ndiqni dhe një faqe tjetër “For You”. Është i organizuar pak si faqja kryesore e Pinterest, por me një rrjet më të vogël me dy kolona.
Përveç këtyre ndryshimeve të vogla, megjithatë, aplikacioni është shumë i ngjashëm me Instagram, që është një ndryshim nga zakonisht. Për vite me radhë, Meta ka qenë ai që kopjon platforma të tjera të mediave sociale si TikTok me Reels dhe Snapchat me Stories. Megjithatë, me TikTok Notes, TikTok duket sikur po kopjon.
TikTok njoftoi aplikacionin e ri për ndarjen e fotografive në fillim të këtij muaji përmes një njoftimi dërguar përdoruesve. Në atë kohë, ai nuk ofroi shumë detaje rreth aplikacionit përveçse e quajti atë TikTok Notes dhe sugjeroi që TikTok do ta popullonte atë me postimet e fotografive publike ekzistuese dhe të ardhshme të TikTok të përdoruesve, përveç nëse ata tërhiqen.
Nuk dihet ende se kur TikTok do ta bëjë aplikacionin të aksesueshëm në shtete të tjera.
