Nëse futesh të kërkosh diçka në Google, sot do të të shfaqen jo vetëm rezultate të rrjetit por edhe pafund lidhje të termit me shërbimet e Google. Shkurtore, imazhe, video, lokacion në hartë deri edhe mënyra për të bërë biznes.
Ama nuk ka qenë gjithmonë kështu, nëse më parë futeshe tek motorri i kërkimit rezultatet që të shfaqeshin ishin vetëm linqe faqesh të cilat mund të përmbanin fjalën kyçe të kërkuar.
Ndoshta primitive, por ka mes nesh përdorues të cilët një motorr kërkimi duan ta përdorin vetëm si tët tillë. Ndaj edhe The Markup ka nxjerrë dy extensions një për Chrome dhe një për Firefox nën emrin SimpleSearch.
Ai e kthen mbrapa eksperiencën e lundrimit në rrjet të viteve 90. Duke paraqitur vetëm rezultatet e kërkimit, faqet ku mund të futesh. Megjithatë nëse dëshiron të kthehesh prapa, mund ta ç’aktivizosh në çdo moment.
Shtojcën mund ta përdorësh për funksionin e thjeshte, për nostalgji por edhe për të kuptuar sa shumë kanë ndryshuar gjërat këto dekadat e fundit.
