Në një botë ku zhvillimet digjitale ndryshojnë çdo ditë, edhe mënyra se si paguajmë po përshtatet me teknologjitë e reja. Prej kohësh pagesat cash janë zëvendësuar me përdorimin e kartave të kreditit ose debitit të cilat kanë ulur përdorimin e kartmonedhave dhe kursyer nga fryerja e kuletës. Por mbi të gjitha na kanë kursyer kohë gjatë blerjes së produkteve në dyqane fizike.
Por pandemia solli një tjetër problem për të zgjidhur, atë të prekjes së produkteve nga shumë persona çfarë në mënyrë direkte rriste rrezikun e infektimit. Ishte ky momenti kur, të paktën në Shqipëri, pagesat me kartë shfrytëzuan teknologjinë NFC (Near Field Communication) për të kaluar pagesat vetëm me një të prekur të terminalit të pagesës (POS).
Hapi i radhës? Digjitalizimi i kartave bankare duke i kaluar në smartphone dhe duke përdodur të njëjtën teknologji NFC për të kryer pagesa me një kalim të Android-it tënd mbi terminal. Kjo risi vjen për të parën herë në Shqipëri nga Raiffeisen Bank. Ja përse ne ju sugjerojmë të përdorni RaiPay.
1. Pagesa të sigurta pa kontakt
Një, ose disa, karta më pak në kuletën tënde. Ajo çfarë të duhet është vetëm smartphone yt Android me të cilin mund të paguash në çdo terminal që kryen pagesat pa kontakt. Format e ndryshme të sigurisë që ju përdorni për ndezjen e smartphone-it janë gjithashtu një avantazh për sigurinë që përdorimi i RaiPay ofron.
2. Të gjitha kartat në një app
Ke më shumë se një kartë krediti apo debiti të Raiffeisen Bank? Në RaiPay mund të regjistrosh sa karta të duash. Mjafton të zgjedhësh të duhurën para se të kryesh pagesën.
3. Kontroll mbi gjendjen e llogarisë në kohë reale
Menjëherë pas pagesës, RaiPay do të njoftojë për kryerjen e saj me sukses dhe do të shfaq në ekran transaksionin bankar dhe gjendjen e re të llogarisë.
4. I thjeshtë të regjistrohesh dhe ta përdoresh
Shkarkoni aplikacionin në Google Play. Përdorni numrin tuaj të telefonit për autentikimin dhe vendosni një PIN për të hapur aplikacionin. Regjistrimi i kartës bëhet duke e kaluar mbi smartphone ose duke vendosur manualisht të dhënat. Mbi të gjitha, nuk ju duhet të shkoni në një degë të bankës për t’u regjistruar.
Tani portofoli juaj digjital është gati të paguaj lehtë, shpejt dhe sigurt.
