Facebook dhe WhatsApp janë platformat më të përdorura në Brazil, dhe për këtë arsye ndërprerja e shërbimeve të tyre në datën 4 tetor krijoi mjaft probleme për përdoruesit.
Luiza Ferreira përdor WhatsApp për të konfirmuar me klientët planet për ditën e nesërme, pasi ajo punon si një sanitare në shtëpi të ndryshme. Nëse puna e saj nuk konfirmohet për ditën e nesërme, ajo mundohet të zëvëndësojë në rradhë një tjetër klient në mënyrë që të mos shpenzojë një ditë pa punuar.
Mirëpo kur WhatsApp ishte jashtë shërbimit për rreth 6 orë për shkak të një ndryshimi në konfigurimin e brendshëm të rrjetit, Ferreira u has me një problem madhor.
“Në momentin që unë fillova të dërgoja SMS në vend të mesazheve në WhatsApp, ishte shumë vonë, dhe unë nuk mund të siguroja një tjetër klient për ditën e nesërme. Klienti im nuk e kishte parë mesazhin që i dërgova. Kur WhatsApp nuk po funksiononte, aktiviteti im u ndërpre.” tha Ferreira në një intervistë.
Mjaftuan vetëm 6 orë ndërprerje në shërbimet e WhatsApp që kjo grua të humbiste punën e dy ditëve. “Kjo humbje është diçka që unë nuk mund ta rikthej.”
Ky aplikacion është shndërruar në një mjet komunikimi mjaft të rëndësishëm për shumicën e punonjësve informalë, të cilët krijojnë një orar të caktuar përmes bisedave në platformë. Prandaj me ndërprerjen e WhatsApp, miliona punonjës hasën probleme të rëndësishme.
