Katastrofë! Skandal! Na mbyllën TikTokun!
Ditën e premte presidenti Trump deklaroi se do të firmoste një akt i cili do ta ndalonte kompaninë Kineze të bënte biznes me tregun amerikan për shkak të akuzave konsistente për përgjim të përdoruesve dhe raportim tek qeveria Kineze.
Praktikisht as Apple Store as Play Store nuk do ta kishin më të drejtën për ta pasur në raftet e veta, njejtë si skenari i Huawei. Nëse ndalohet në Amerikë ndalohet kudo tjetër.
Por mos u shqetësoni Microsoft është gati për të na shpëtuar të gjithëve, sipas raportimeve ditën e djeshme Satya Nadella CEO i Microsoft dhe Donald Trump kanë përfunduar diskutime në lidhje me një blerje potenciale të biznesit të TikTok në Shtetet e Bashkuara.
Mesa duket Shtëpia e Bardhë është e hapur për një marrveshje e cila do ti kalonte të gjitha operacionet e TikTok U.S një pronari Amerikan, gjithçka duhet të vendoset brenda 15 shtatorit.
Microsoft zotohet të “sigurojë të gjitha të dhënat private të përdoruesve amerikanë të transferohen dhe të qëndrojnë vetëm në U.S.A, gjithashtu do të sigurohet që këto të dhëna të fshihen nga serverat e jashtëm pasi të jenë transferuar brenda.“
Kompania do të blejë gjithashtu TikTok Kanada, Australia dhe Zelanda e Re.
Tek e fundit kjo marrveshje është me shumë rëndësi për ta, përtej potencialit ekonomik aktual, kjo lëvizje do t’i jepte më në fund Microsoft hyrjen në hapsirën e rrjeteve sociale të dominuar nga Google, Facebook, Snapchat e Twitter.
Brenda shtatorit marrim përgjigjen.
UPDATE (04.08.2020 / 07:32 AM) – Snapchat ka konfirmuar se së shpejti do të lançojë një shërbim të ri në app i cili do t’i shtojë muzikë videove tuaja. Njësojë si TikTok…
Ky vendim është qartazi një tentativë e Snapchat për të zënë vendin e TikTok në rast se app do të mbyllet në USA.
