Nëse në botën e smartphonëve mbizotëron Android, dominancën e sistemeve operative në botën e kompiuterëve personale e ka Windows. Microsoft ka bërë një punë fantastike këto dekada për t’i dhënë konsumatorit gjithçka i duhet me lehtësi dhe në mënyrë të hapur. I vetmi drejtim ku klientet zakonisht ankohen është çështja e përditësimit të sistemit, me dy periudhat kryesore të përmirësismit të eksperiencës pranverën dhe vjeshtën.
Lajme të mira vijnë pikërisht për këtë sektor pasi mësohet se së shpejti do të prezantohet “Windows Feature Experience Packs“, një strument i cili do të merret me përditësimet e eksperiencës gjatë gjithë vitit, ndaj përdoruesve nuk do u duhet të presin çeljen e luleve apo rënien e gjetheve. Ky është lajm fantastik pasi kjo do të shkurtojë kohët e pritjes për rregullimet e bug-eve dhe problemeve krejt të zakonshme në botën digjitale por të bezdisshme sidoqoftë.
Për momentin ideja është ende në fazë testimi, e ndaj pritet që protokolli i ri të vihet në zbatim nga fundi i 2021. Nga ana tjetër kujtojmë se si gjithmonë gjatë dhjetorit stafi i Microsoft fillon e tkurret duke i lënë hapësirë festave, kjo nuk do të thotë se përditësimet e sigurisë nuk do të vijnë këtë muaj, përkundrazi janë në punë e sipër.
