Facebook sapo shtoi edhe një tjetër nivel sigurie për Messenger për ata që e përdorin nga iPhone apo iPad. Aplikacioni kyçet menjëherë pasi është mbyllur, duke të kërkuar më pas një nga mënyrat biometrike të autentikimit si Face ID apo Touch ID për ta rihapur.
Pra nëse ia jep dikujt smartphonin ta përdorë për diçka, bisedat e Messenger do të jenë më se të sigurta pasi nuk mund të hapen pa fytyrën tënde.
Ky opsion quhet App Lock dhe do të jetë pjesë e një sërë ndryshimesh që FB do të sjellë tek Messenger. Së bashku me të do të ofrohet më shumë kontroll mbi kush mund të na kontaktojë, gjithashtu do të mjegullohen imazhet që vijnë nga njerëz që të dërgojnë mesazhe pa aprovim. Opsion i pranishëm tek Instagram dhe Whatsapp.
App Lock për momentin është i disponueshëm vetëm për Apple users, bota Android duhet të presë disa muaj.
