Krijuesit e videove në Instagram tani kanë një mënyrë të re për të testuar përmbajtjen e tyre.
Aplikacioni po prezanton “Trial Reels“, i cili lejon krijuesit të publikojnë Reels që nuk shfaqen në feed-in e ndjekësve të tyre dhe në vend të kësaj u rekomandohen personave që nuk e ndjekin. Kjo lëvizje duket shumë e çuditshme, pasi shumë krijues të Instagram ankohen se Meta nuk ua shfaq përmbajtjen ndjekësve të tyre. Por në një postim në blog, kompania tha se “trial Reels” u krijua si një përgjigje e drejtpërdrejtë ndaj reagimeve nga krijuesit që “ndihen nervozë” për postimin e videove që mund të mos performojnë mirë.
Meta tha se funksioni i ri synon t’ua bëjë më të lehtë krijuesve të eksperimentojnë me zhanre të ndryshme dhe “të marrin lehtësisht një kontroll të thellë se si mund të funksionojë përmbajtja juaj“. Tani, krijuesit do të jenë në gjendje të zgjedhin të bëjnë një testim përpara se të publikojnë një video.
Këto Reels nuk do të shfaqen në profilin e krijuesit dhe vetëm do t’u rekomandohen llogarive që nuk janë ndjekës. Pas 24 orësh, krijuesit do të jenë në gjendje ta rishikojnë videon dhe të shohin statistikat për mënyrën se si video performoi, duke përfshirë numrin total të shikimeve, shpërndarjeve, pëlqimeve dhe komenteve.
Ndërsa Meta thotë se ky lloj i përmbajtjes “provë” mund të kërkojë më shumë kohë për të qenë i suksesshëm sesa postimet e tjera pasi nuk do t’u shfaqet ndjekësve të një llogarie, mund të jetë ende i dobishëm për krijuesit që duan të testojnë pëlqimet e përdoruesve të Instagram.
