Raportimi më i fundit nga Apptopia ka listuar aplikacionet më të shkarkuara të vitit 2021 në të gjithë botën dhe më pas ka bërë disa ndarje sipas kategorive.

Aplikacionet e rrjeteve sociale kryesojnë këtë listë, fillimisht me TikTok që është aplikacioni më i shkarkuar gjatë këtij viti me 656 milionë shkarkime. Ky aplikacion ndiqet nga Instagram (545 milionë), Facebook (416 milionë), WhatsApp (395 milionë) dhe Telegram (329 milionë).

Disa aplikacione të tjera që gjenden në Top 10 janë Snapchat (327 milionë), Zoom (300 milionë), Spotify (203 milionë).

Subway Surfer ishte loja më e shkarkuar e vitit 2021 me 191 milionë shkarkime, e cila ndiqet nga Rolox (182 milionë), Bridge Race (169 milionë), Garena Free Fire (144 milionë) dhe Among Us (152 milionë). PUBG Mobile nuk gjendet në Top 10 e kësaj liste. Nga ana tjetër Netflix (173 milionë), YouTube (166 milionë), Google Play Games (131 milionë) Disney+ (126 milionë) dhe Amazon Prime Video (120 milionë) ishin aplikacionet me të shkarkuara në kategorinë Entertainment.

Kategoria e aplikacioneve të blerjeve online kryesohej nga Shopee (203 milionë), e ndjekur pas nga Shein (190 milionë), Mesho (153 milionë), Amazon (148 milionë) dhe Flipkart (93 milionë).

Me rritjen e popullaritetit të kriptomonedhave, u rrit dhe numri i shkarkimeve në aplikacionet e shkëmbimit të tyre. Binance kryeson listën me 64 milionë shkarkime, më pas vjen Crypto.com (41 milionë) dhe Coinbase (40 milionë).

Aplikacionet më të përdorura për të shoqëruar punën nga shtëpia ishin Zoom me 300 milionë shkarkime, Google Meet (192 milionë), WhatsApp Business (143 milionë) dhe Microsoft Teams (141 milionë).