January 29, 2022

Franca kërkon nga motorët e kërkimit dhe dyqanet e aplikacioneve që të fshehin Wish nga listimet e tyre

Franca kërkon nga motorët e kërkimit dhe dyqanet e aplikacioneve që të fshehin Wish nga listimet e tyre

Disa ministra francezë kanë lëshuar një deklaratë të përbashkët ku tregojnë se ato i kanë kërkuar motorëve kryesorë të kërkimit në internet dhe dyqaneve të aplikacioneve që operojnë në Francë që të fshehin website-in dhe aplikacionin e Wish.

Wish është një platformë e njohur e-commerce që i referohet kryesisht shitjes së produkteve nga shitësit kinezë. Kjo platformë nuk ka një inventar, pasi produktet dërgohen menjëherë nga shitësit drejt konsumatorëve.

Vitin e kaluar, administrata franceze që merret me të drejtat e konsumatorit dhe mashtrimet ndaj tyre filloi një investigim. Kjo administratë besonte se në Wish ishte shumë e lehtë që të mashtroje blerësit dhe të shisje produkte të falsifikuara, si atlete apo parfume që vinin me logo të markave të njohura.

Më pas administrata franceze porositi 140 produkte në Wish për të zbuluar se cili do të ishte rezultati. 95% e lodrave që ato blenë nuk pajtoheshin me rregullat e Evropës dhe 45% e tyre u klasifikuan si të rrezikshme. Për sa i përket produkteve elektronike, 95% e tyre nuk duhet të shiten në Evropë, dhe 90% u klasifikuan si të rrezikshme.

Për këtë arsye Wish nuk do të shfaqet më në motorët e kërkimit në Francë apo në dyqanet e aplikacioneve. Nëse ju e keni të instaluar atë në smartphone, ai do të vazhdojë të funksionojë.

Ky dënim do të vazhdojë deri sa administrata franceze të kuptojë se Wish ka implementuar ndryshimet e kërkuara për t’u përshtatur me rregullat e Francës.

Thursday, 25 November 2021 09:35

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
info@geekroom.al, marketing@geekroom.al

Editorial Staff:
Brenton Bënja
Bekim Haveriku 
Xhonald Mamo
Kristian Hodo
Klementina Mema

 

 

Geek Room © 2019