Instagram i bashkohet Facebook në rivalitetin kundrejt Clubhouse, duke update-uar kategorinë Instagram Live. Sot u prezantuan disa shërbime të reja që Live do të ofrojë, si përshembull lejimi i mbylljes së videos dhe zërit ndërkohë që e përdorni atë.
Instagram shpjegon se këto shërbime do t’i japin host-it më tepër fleksibilitet gjatë eksperiencave livestream, duke ulur kështu presionin e pamjes ose zërit në situata të ndryshme. Në të vërtetë këto ndryshime janë të inspiruara nga vetë aplikacioni Clubhouse, të cilat do t’I bëjnë njerëzit të flasin më lirshëm në biseda të çfardoshme.
Në këtë mënyrë njerëzit nuk duhet të shqetësohen rreth pamjes së tyre, pasi tani kanë mundësinë e komunikimit vetëm nëpërmjet zërit. Ata mund të vazhdojnë të bëjnë punë të tjera ndërkohë që bëjnë një bisedë me miqtë e tyre, në vend që të rrinë gjatë gjithë kohës para kameras.
Për momentin këto shërbime nuk janë akoma të aksesueshme, por Instagram tregon se ato do të vijnë shumë shpejt. Kjo nuk është hera e parë që platforma tenton të “tërheqë” përdorues nga Clubhouse, pasi më parë u prezantua dhe Live Rooms që lejojnë deri në 4 persona njëherazi të diskutojnë live.
