Ju mund të jeni akoma të shqetësuar nga lajmi i mëparshëm se informacionet personale të 533 milionë përdoruesve në Facebook u publikuan online, por tani një tjetër grup informacionesh janë publikuar dhe kësaj here platforma e ndikuar është LinkedIn, që është nën pronësinë e Microsoft.
Këto informacione përfshijnë të dhënat personale të 500 milionë përdoruesve si emri, adresa e email-it, numri i telefonit dhe vendndodhja. Megjithatë LinkedIn pretendon se këto të dhëna nuk janë grumbulluar vetëm nga ky rrjet social, por janë një bashkim të dhënash nga shumë vende të ndryshme.
“Ne kemi investiguar të dhënat që pretendohen se janë mbledhur nga LinkedIn dhe kemi arritur në përfundimin se aty gjenden informacione të mbledhura nga disa website dhe kompani të ndryshme.” u shpreh zëdhënësi i LinkedIn në një deklaratë.
Platforma shtoi gjithashtu se asnjë e dhënë private nuk është e përfrishrë, gjë që tregon se këto informacione të grumbulluara janë publike në faqjen e secilit prej përdoruesve. LinkedIn insiston se të dhënat nuk janë grumbulluar nga një haker që ka penetruar në sistemin e platformës, por kjo nuk e ndihmon faktin se të dhënat e tyre tani po shiten në internet.
Nuk dihet akoma nëse LinkedIn do t’i njoftojë përdoruesit që janë prekur nga ky publikim i të dhënave, pasi dhe Facebook veproi në të njejtën mënyrë.
