Industria e udhëtimeve ka mbledhur sasi të mëdha të dhënash ndër vite, duke hapur rrugën për startup-e të reja për të lehtësuar planifikimin e udhëtimeve falë inteligjencë artificiale. Një nga më premtuesit është Airial, një platformë që planifikon udhëtime nga fillimi në fund përmes teknologjisë AI. Mjafton të shtosh disa të dhëna për udhëtimin dhe platforma gjeneron një plan të plotë me fluturime, hotele, itinerarë ditorë, vende për të vizituar dhe restorante.
Airial ofron mundësinë për të krijuar një udhëtim të menjëhershëm, duke përfshirë udhëtime ndërqytetëse dhe sugjerime të personalizuara. Mund të shikosh planin për çdo ditë, vendet që do vizitohen në hartë, vlerësimet, si dhe detaje si koha e transferimit ose pritja në stacione treni. Gjithashtu, mund të shtosh links nga blogs, TikTok apo Reels, dhe t’i përfshish në itinerarin tënd.
Kompania është themeluar nga Archit Karandikar dhe Sanjeev Shenoy, ish-shokë fakulteti nga India, të cilët kanë punuar më parë në Meta, Google dhe Waymo. Airial është ndërtuar për të funksionuar si një agjent udhëtimi inteligjent, me fokus te logjistika dhe personalizimi—p.sh., nëse je vegjetarian, AI do sugjerojë vetëm vende të përshtatshme për ty.
Airial përdor teknika të frymëzuara nga studimi i AlphaGeometry i DeepMind dhe kombinon këto me modele gjuhësore të avancuara. Startup-i ka siguruar $3 milionë në financim fillestar nga Montage Ventures dhe investitorë të tjerë nga Meta, Dropbox, UiPath.
Platforma ka dhjetëra mijëra përdorues çdo muaj dhe fokusohet në rritjen e përdoruesve. Risi të fundit përfshijnë ndarjen dhe bashkë-krijimin e udhëtimeve, si dhe shtimin e makinave dhe autobusëve për lëvizje ndërqytetëse. Së shpejti, kompania do prezantojë aplikacione për iOS dhe Android, si dhe motorë kërkimi të dedikuar për hotele, aktivitete dhe video nga influencerë.
