Me më tepër se 2 miliardë përdorues, WhatsApp është një ndër platformat e komunikimit më të përdorura në të gjithë botën. Megjithatë kompania mëmë Meta duket se ka në plan një zgjerim të platformës përtej komunikimit, duke shtuar në të mundësinë e kryerjes së pagesave apo blerjeve.
Gjithashtu WhatsApp kishte në plan dhe shtimin e reklamave në aplikacion, një gjë që nuk pritet mirë nga përdoruesit. Në fakt, kjo është dhe një ndër arsyet që e bëri një ndër drejtuesit e WhatsApp të pendohet për shtijen e këtij produkti drejt Facebook.
Niraj Arora, një ish zyrtar i lartë në WhatsApp, tregoi përmes disa postimeve në Twitter se ai është penduar që lejoji shitjen e kompanisë për $22 miliardë drejt Facebook. Arora shtoi se gjatë kohës së blerjes, Facebook i premtoi ekipit të WhatsApp se do të ofronin një pavarësi totale mbi vendimet e produktit, dhe nuk do të detyrojnë shfaqjen e reklamave në aplikacion.
As we began talking through the acquisition, and made our stance very clear:
– No mining user data
– No ads (ever)
– No cross-platform trackingFB and their management agreed and we thought they believed in our mission.
— neeraj arora (@neerajarora) May 4, 2022
Ekipi drejtues i WhatsApp u mundua dhe të siguronte moslejimin e cross-platform tracking dhe minimin e të dhënave të përdoruesve, të cilat u pranuan nga Facebook gjatë asaj kohe.
Megjithatë Brian Acton, një ndër themeluesit e aplikacionit, u largua nga Facebook në 2017. Në një intervistë për Forbes ai tha se Facebook kishte në plan përfshirjen e reklamave në WhatsApp dhe para se kjo marrëveshje të arrihej.
Tech companies need to admit when they have done wrong.
Nobody knew in the beginning that Facebook would become a Frankenstein monster that devoured user data and spat out dirty money.
We didn’t either.
— neeraj arora (@neerajarora) May 4, 2022
Arona u shpreh tepër i mërzitur duke thënë se platforma e dytë më e madhe e Meta “është një hije e produktit për të cilin ata punuan me shpirt për ta sjellë për përdoruesit në mbarë botën”.
