Njerzit që hedhin në story postimin e ri të feed-it dhe shkruajnë “New Post” apo “Click Here” do të mërziten pa masë nga testi më i fundit të Instagram.
Rrjeti social ka vendosur të ndalojë ri-postimin e diçkaje që e ke në postimet e përhershme në story-t 24 orëshe. Lëvizja është njoftuar në vetë aplikacionin në disa shtete të përzgjedhura. Ky vendim mesa duket ka ardhur nga ankesat; “Dëgjojmë shpesh nga komuniteti që duan të shohin më pak postime të këtij lloji në story“. Mesa duket komunitetit nuk i pëlqen thirrja e dëshpëruar për pëlqime e vëmendje.
instagram users: I wish people stopped sharing so many feed posts to their Stories
instagram: pic.twitter.com/KQkBbVY45v
— Matt Navarra (@MattNavarra) January 29, 2021
Sidoqoftë, e vërteta është se ri-shpërndarja e postimeve në story është mënyra se si artistët, faqet, organizatat e bizneset arrijnë të kapin shtrirje më të madhe tek ndjekësit e vetë. Algoritmet e Instagramit favorizojnë familjen dhe miqtë.
Qëndrim i kundërt ky test me atë çka Facebook dhe Instagram ka shtyrë në fillim.
Teste të tilla nuk janë ndonjë çudi për këto platforma, kujtojmë këtu idenë e para disa viteve të Instagram për të hequr pëlqimet, ide e cila nuk mbijetoi. Ku i dihet ndoshta përsëritet historia.
Ky vendim sidoqoftë vjen në një kohë krejt ironike pasi Twitter po teston shpërndarjen e postimeve të saj në story-t e Instagramit në formën e sticker-ave. Ndaj ndoshta do të shohim më shumë ri-postime nga një rrjet social tjetër sesa Insta vetë.
