Përdoruesit e Instagram të cilët janë viktimë e sulmeve të hakerave tashmë do të kenë një mënyrë akoma më të shpejtë për të rifituar akses në adresën e tyre. Kompania prezantoi dje shërbimin e ri Instagram.com/Hacked, ku ju mund të raportoni dhe të zgjidhni problemet me aksesimin e adresës tuaj.
Kjo hapësirë është një faqje suporti ku përfshihen shumë shërbime të rëndësishme. Përdoruesit mund të kërkojnë ndihmë në rekuperimin e adresave të hakeruara, të raportojnë adresat që imitojnë persona të tjerë, ose të marrin ndihmë nga ekipet e Instagram kur kanë harruar password-in e tyre.
Rikuperimi i një adrese të vjedhur në Instagram nuk ka qenë kurrë kaq i thjeshtë. Në 2018 një raportim tregon se disa përdorues paguanin hakerat për të rifituar akses në adresën e tyre. në 2019 një tjetër raportim tregon se si influencerët kërkonin ndihmën e hakerave të tjerë për të rifituar adresën e tyre. Në të dyja rastet, Instagram ishte shumë i ngadaltë në zgjidhjen e këtij problemi.
Mënyrat e reja të rekuperimit të adresës nisën të testoheshin më herët gjatë këtij viti. Një tjetër mundësi për rekuperimin e adresës tuaj është dhe përzgjedhja e dy miqve të personit që ka probleme me aksesimin e adresës së tij që mund të verifikojnë identitetin e përdoruesit.
Dhe pse kompania po prezanton mënyrat e reja të rifitimit të aksesit në adresat e vjedhura, tregon se qëllimi i tyre është të parandalojë hakerimin para se ai të ndodhë.
