Instagram do të nisë të pyesë disa përdorues nga SHBA për racën dhe etnicitetin e tyre në mënyrë që të studiojë se si grupe të ndryshme njerëzish bashkëveprojnë me platformën. Kjo gjë u bë e ditur nga vetë kompania përmes një postimi në blog të publikuar ditën e djeshme.
Përzgjedhja e personave që do të pyeten do të jetë e rastësishme dhe atyre do t’i shfaqet një pop-up brenda aplikacionit që i çon drejt një pyetësori të organizuar nga YouGov rreth racës dhe etnicitetit të tyre. Sigurisht që marrja pjesë në këtë pyetësor është opsionale, dhe Instagram tregon se plotësimi i pyetësorit nuk do të limitojë eksperiencën që ju keni në platformë.
Starting today we’ll ask a random assortment of people in the US to take an optional survey hosted by @yougovamerica where they can share their race/ethnicity. All responses are encrypted and can’t be connected to your account.https://t.co/wh5Ok54w1W pic.twitter.com/zTNBl3Ctkf
— Adam Mosseri (@mosseri) July 28, 2022
Përmes një video mesazhi, drejtuesi i Instagram Adam Mosseri, tregoi se grumbullimi i këtyre të dhënave do të ndihmojë zhvilluesit e platformës të përmirësojnë më tepër produktin e tyre. “Në mënyrë që ne të sigurohemi se Instagram ofron një eksperiencë të paanëshme, ne duhet të kuptojmë se si kjo platformë po funksionon në komunitete të ndryshme.” tha Mosseri.
Në vitin 2020 Instagram krijoi një ekip për barazinë që kishte si detyrë studimin e algoritmit për paragjykim racor. Grupet e të drejtave civile dhe aktivistë të tjerë kanë bërë thirrje prej shumë kohësh drejt Facebook dhe rrjeteve të tjera sociale për të ekzaminuar mënyrën se si algoritmet ndikojnë në njerëzit me ngjyrë, duke lejuar kështu diskriminimin në platformë.
