Instagram po përpiqet gjithnjë e më tepër t’i ngjasojë TikTok, për shkak të suksesit të madh që videot e shkurtra kanë patur në këtë platformë. Prandaj Instagram ka vendosur të bëjë një ndryshim në të gjitha videot e publikuara nga përdoruesit.
Ditën e enjte, Instagram lajmëroi se të gjitha videot nën 15 minuta të postuara në rrjetin social do të trajtohen si Reels. Përdoruesit do të jenë në gjendje të zgjedhin midis IGTV për videot më të gjata ndërkohë që të gjitha videot e shkurtra do të trajtohen si Reels.
Shpjegimi i Instagram për këtë ndryshim ishte: “Reels janë më tepër ndërvepruese dhe argëtuese”, duke mos përmendur sigurisht suksesin e formatit në platformën rivale TikTok.
“Përderisa Reels ofron një mënyrë më tërndërvepruese dhe më argëtuese për të shikuar dhe krijuar video në Instagram, ne do të sjellim këto mjete krijuese dhe eksperiencën full-screen në të gjitha videot që ju postoni.” shkruajti kompania në një postim në blog.
Një tjetër ndryshim i bërë nga Instagram është se të gjithë personat që kanë një adresë publike dhe publikojnë Reels, tashmë videot e tyre do të rekomandohen në më tepër njerëz. Më parë Instagram mundësonte rekomandimin e Reels-ave vetëm nëse ato ishin më të shkurtra se 90 sekonda.
