Google sapo vërtetoi se “shtyrja” e përdoruesve drejt sigurisë së tyre funksionon.
Në postimin më të fundit të bërë në blog, kompania tregon se si iniciativa e saj për të bërë që përdoruesit të përdorin two-step authentication ka arritur të përgjysmojë numrin e adresave të hakuara gjatë kësaj periudhe.
Në tetor të 2021 kompania aktivizoi regjistrimin e përcaktuar two-factor authentication për 150 milionë përdorues që nuk e përdornin këtë shërbim, gjë që kontribuoi në arritjen e këtij rezultati.
Two-factor authentication ose “two-step verification” siç Google e quan, është një shërbim tepër i rëndësishëm për sigurimin e adresës së përdoruesve, pasi regjistrimi mund të kryhet vetëm pasi të futet kodi që vjen në smartphone-in tuaj përmes një SMS.
Gjithçka nga kjo anë duket shumë pozitive, mirëpo problemi kryesor ishte adoptimi i këtij shërbimi. Në 2018 një inxhinier në Google tregoi se 90% e përdoruesve aktivë të Gmail nuk po e përdornin two-factor authentication. Që prej asaj kohe Google ka filluar ta shtojë këtë shërbim si të detyrueshëm për disa nga përdoruesit.
“Duhet bërë shumë edukim me 2SV dhe ne duam që përdoruesit të kuptojnë se sa i rëndësishëm është ky shërbim.” tha Guemmy Kim, drejtues i sigurisë së adresa në Google. “Ne duhet të sigurohemi se adresat e përdoruesve janë plotësuar me informacionet përkatëse me një recovery email dhe një numër telefoni në mënyrë që ato të mos kyçen jashtë adresës së tyre.”
Po ju a e keni aktivizuar two-step verification në adresën tuaj në Google?
