Google ka lajmëruar se do të sjellë disa shërbime të reja AI për aplikacionet e Workspace si Google Docs, Gmail, Sheets dhe Slides.
Përmes shërbimeve të reja përdoruesit mund të gjenerojnë përmbajtje, të përmbledhin apo të marrin ide të reja nga inteligjenca artificiale në Google Docs, të gjenerojnë email-e të plota në bazë të pikave interesante të përcaktuara nga përdoruesit si dhe të prodhojë imazhe, audio apo video si dhe të ilustrojë prezantime në Slides.
Ky lajmërim tregon se Google po punon fort për të arritur sa më shpejt në nivelin e konkurentëve të tjerë në garën e AI. Që nga prezantimi i ChatGPT në vitin e kaluar dhe chatbot-it të integruar në Bing nga ana e Microsoft gjatë muajit shkurt, Google ka nxituar për të nxjerrë në treg një produkt të ngjashëm. Kompania shkoi deri në pikën e deklarimit të një “kodi të kuq” në dhjetor, ku menxherët e lartë kërkuan nga stafi që të shtojnë mjete AI në produktet e përdoruesve.
Ju mund të shikoni më poshtë një listë me shërbimet e fuqizuara nga AI që Google do të ofrojë në Workspace në të ardhmen:
- Krijimi i drafteve, përmbledhja dhe prioritizimi i Gmail
- Krijimi i ideve të reja, korrigjimi i gabimeve, gjenerimi i teksteve në Docs
- Auto-gjenerimi i imazheve, audiove dhe videove bë Slides
- Gjenerimi i sfondeve të reja dhe marrja e shënimeve në Meet
- Kategorizimi kontekstual në Sheets, gjenerimi i formulave dhe analiza automatike
