Tabletët Android u rikthyen në “modë” gjatë periudhës së pandemisë, pas disa momentesh të vështira. Sipas Google, gjatë vitit të kaluar 30% më shumë njerëz filluan të përdornin tabletët Android.
Për t’i bërë këto pajisje më tërheqëse për përdoruesit, kompania prezantoi një shërbim të ri të quajtur Entertainment Space, i cili shërben si një portal për të gjithë aplikacionet media që ju keni të instaluara. Në një postim në blog product manager i Google Play, James Bender shkruajti se Entertainment Space është një “shtëpi e personalizuar e të gjithë filmave, videove, lojërave dhe librave tuaja të preferuara.”
Në pajisjet ku ky shërbim është i pranishëm, do të gjendet në faqjen majtas home screen-it, aty ku zakonisht gjendet Discover feed. Në krye të faqjes gjenden 3 dritare: Watch, Games dhe Read. Në to do të shfaqen rekomandime të bazuara interesat tuaj. Nëse këto rekomandime nuk ju pëlqejnë ju mund t’i hiqni ato menjëherë në Settings.
Personat që kanë përdorur më parë Google TV do ta njohin menjëherë ndëfaqjen e re. Në këtë mënyrë përdoruesit do të kursejnë kohë dhe do ta kenë më të thjeshtë të gjejnë diçka për të parë. Entertainment Space do të jetë prezente në pajisjet Lenovo, Walmart dhe Sharp.
