Nëse të pëlqen ndryshimi aq sa edhe sfondin e smartphonit e ndërron shpesh Google Photos ka një alternativë pë ty.
Përditësimi më i fundit lejon që për sfond të kesh disa nga kujtimet e tua të ruajtura në aplikacion, të cilat ndërrohen vazhdimisht.
Versioni më i fundit i tij e mundëson këtë ndaj me ta bërë update shko tek përzgjedhësi i sfondeve, në kategorinë Live Wallpapers zgjidh Memories.
Menjëherë pas kësaj smartphoni yt do të marrë fotot nga seksioni i kujtimeve, të cilat për fat të keq i zgjedh vetë Google Photos.
Bazuar në algoritmet e veta aplikacioni njeh cilat foto janë kujtimet e duhura për t’u shfaqur, çka mund të jetë edhe me rrezik nëse ke ruajtur ndonjë foto për të cilën nuk je shumë i sigurt që duhet të të rrijë në ekran gjithë kohës.
Ose mund të shfaqë diçka të bukur, kush e di, në këtë fazë ngjan më shumë me një ruletë ruse.
