Google tregon se zbuloi mijëra listime të bizneseve të rreme në Google Maps dhe ka vendosur të ndërmarrë veprime ligjore kundër mashtruesve të dyshuar.
Në padi pretendohet se një burrë që punon në një rrjet më të gjerë krijoi dhe shiste profile të rreme biznesi në Google Maps. Një sinjalizim fillestar erdhi nga një biznes në Teksas që raportoi një bravandreqës të palicencuar që i imitonte ata në Google Maps. Kjo ishte vetëm maja e ajsbergut. Raportimi ndezi një hetim që çoi në zbulimin dhe eliminimin e më shumë se 10,000 listimeve të rreme, tha kompania.
Mashtrimet varionin nga bizneset e rreme deri te llogaritë që ishin hakuar. “Sapo lajmërohemi për mashtrimin aktual, ne bëjmë përpjekje ekstreme për të identifikuar listime të ngjashme mashtruese,” tha Halimah DeLaine Prado, këshilltarja e përgjithshme e Google. Google zbuloi se shumë nga mashtrimet ishin të përqendruara në atë që ata i quajnë shërbime që njerëzit kanë nevojë në situata urgjente ose stresuese, si bravandreqës ose karrotrecët.
“Mashtruesit po bëhen gjithnjë e më të sofistikuar,” tha DeLaine Prado. Hetimi i Google zbuloi gjithashtu se këta mashtrues të supozuar nuk po punojnë vetëm. Ata bashkëpunojnë me agjentë në mbarë botën dhe përdorin mediat sociale për të rritur shtrirjen e tyre.
Si funksionon skema e mashtrimit
Kur dikush kërkon për një shërbim lokal, në vend që të kontaktojë me një profesionist të licencuar, ai bie pre e një liste të rreme. Herë të tjera, konsumatorët telefonojnë një kompani të vërtetë, por ai numër përgjohet dhe ia dërgon thirrjen mashtruesve. Kështu konsumatori lidhet me një kompani krejtësisht të ndryshme nga ajo që ata menduan se po i drejtoheshin.
Më pas, shërbimi i mashtrimit arrin dhe shpesh kërkon një çmim dukshëm më të lartë se shërbimi origjinal. Google thotë se për shkak se mashtrimi synon njerëzit në situata urgjente, klienti është zakonisht i gatshëm të paguajë një shumë të tillë.
Si të mbroheni
Si gjithmonë, nëse diçka ju duket e gabuar, ndaloni atë që po bëni dhe përpiquni të verifikoni legjitimitetin e kompanisë. Përdoruesit duhet të kontrollojnë URL-në dhe numrin e telefonit të kompanisë për t’u siguruar që përputhen me biznesin siç reklamohet.
Një tjetër flamur i kuq është nëse kompania kërkon më shumë informacion sesa duhet. DeLaine Prado paralajmëroi gjithashtu konsumatorët që të jenë në gatishmëri nëse atyre u kërkohet të paguajnë për shërbimet në një mënyrë jo të zakonshme si pagesa përmes gift cards ose një transferte bankare.
Google tregoi se përgjatë vitit 2023 eliminoi nga platforma rreth 12 milionë profile të rreme biznesi, rreth një milion më shumë se një vit më parë.
