Google po prezanton një veçori të re në Gmail të quajtur “Manage subscriptions”, për t’u ardhur në ndihmë përdoruesve që ndihen të mbingarkuar nga email-et e shumta të webiste-ve në të cilët janë regjistruar. Kjo veçori ofron një pamje të centralizuar të të gjitha email-eve që vijnë nga abonimet aktive, të renditura automatikisht me dërguesit më të shpeshtë në krye.
Pranë çdo dërguesi ndodhet një buton “Unsubscribe” me një klikim, që i lejon përdoruesit të çabohen lehtësisht pa pasur nevojë të hapin secilin email veçmas apo të kërkojnë lidhje të vogla në fund të mesazheve.
Për të hyrë në këtë veçori, mjafton të klikoni shiritin e navigimit në këndin e sipërm të majtë të inbox-it dhe të zgjidhni “Manage subscriptions” nga menuja që shfaqet. Nëse nuk e shikoni ende, veçoria po prezantohet gradualisht: në versionin web nga sot, në aplikacionin Android nga 14 korriku, dhe në iOS nga 21 korriku.
Mund të duhen disa javë që të bëhet e disponueshme për të gjithë përdoruesit, dhe do të ofrohet për llogaritë personale të Google, klientët e Google Workspace dhe abonentët individualë të Workspace në disa vende të përzgjedhura.
Veçoria tregon gjithashtu sa email-e ka dërguar secili dërgues gjatë javëve të fundit, duke ndihmuar përdoruesin të kuptojë se kush po e mbush më shumë inbox-in. Duke klikuar mbi një dërgues specifik, shfaqen të gjitha email-et e tij, dhe përdoruesi mund të çabonohet direkt me një klikim.
