FIFA ka lançuar një shërbim të ri streaming të quajtur FIFA+ në të cilin ofrohet një miksim i transmetimit drejtpërsëdrejti të ndeshjeve të futbollit, përmbajtjeve të arkivuara dhe krijimeve origjinale të organizatës. Ajo është e aksesueshme në të gjithë botën në web dhe smartphone.
Në këtë shërbim do të transmetohen live mbi 40,000 ndeshje në vit nga 6 konfederatat, 28,000 ndeshje futbolli për meshkuj dhe 11,000 për femra. FIFA premton se në platformë do të përfshihen një gamë e gjërë ndeshjesh nga kampionatet më të mira të Evropës e deri tek ato më pak të ndjekura.
Aktualisht ju mund të shikoni ndeshjet në kampionatin e 2-të të Monoglisë, kampionatin e futbollit për femra në Nepal dhe 3F Superliga. FIFA thotë se 1,400 ndeshje do të transmetohen gjatë muajit të parë, dhe ky numër do të shtohet me kalimin e kohës.
Gjithashtu në këtë platformë do të ketë dhe krijime origjinale si filmi mbi jetën e Ronaldinho, apo dokumentari me 6 pjesë rreth Dani Alves. Në seksionin e përmbajtjeve të arkivuara ju do të mund të shihni ndeshje të plota të Kupës së Botës apo rastet kryesore të këtyre ndeshjeve.
Për momentin shërbimi po ofrohet falas, mirëpo kjo gjë mund të ndryshojë në të ardhmen.
