Më herët gjatë këtij viti, një studiues në Facebook shpërndau disa statistika alarmante me kolegët e tij.
Ai vuri re se numri i përdoruesve adoleshentë në SHBA të Facebook kishte rënë me 13% që nga viti 2019 dhe ishte projektuar për të rënë me 45% të tjera përgjatë dy viteve në vijim. Pritet gjithashtu që numri i përdoruesve adultë të rinj në moshën 20-30 vjeç të bie me 4% përgjatë kësaj kohe.
“Problemi i përdoruesve në moshë të madhe është i vërtetë.” shkruajti ai në një memo të brendshme. Facebook e shikon këtë fenomen si një rrezik ekzistencial për “shëndetin” afatgjatë të platformës, dhe për këtë arsye ata do të provojnë në mënyrë të dëshpëruar për të rritur numrin e të rinjve në platformë.
Gjatë vitit të fundit, punonjësit në Instagram dhe Facebook kanë planifikuar prezantimin e produkteve të reja të krijuara posaçërisht për personat e rinj në moshë. Punonjësit vendosën të lejonin përdoruesit që të vendosin identitete të ndryshme në profile që ishin specifike për grupe të caktuara në Facebook. Produktet e tjera përfshinin një version më vizual të News Feed të quajtur Spotlight dhe “mood feeds” për të rritur angazhimin e të rinjve në platformë.
Dokumentet e brendshme tregojnë se Facebook ka punuar në fshehtësi për të sjellë një version të ri të Facebook Groups, të quajtur Groups+, ku njerëzit do të mund të futen në grupe personash me personalitete specifike.
Dhe pse Facebook po mundohet t’i bëjë platfomat e saja më miqësore për të rinjtë, raportohet se mbi 7% e të rinjve po bullizohen në rrjetet sociale. Një tjetër dokument i brendshëm i kompanisë i publikuar nga Wall Street Journal tregonte se Facebook ishte në dijeni se po ndikojnë për keq në shëndetin mendor të të rinjve.
