Në fillim Instagram dhe së fundmi WhatsApp, duket se rezistenca që Facebook dhe nënkompanitë e saj po i bëjnë “Dark Mode” po bie.
E lançuar nga Android si një aspekt estetik por edhe i shëndetshëm për smartphonin dhe përdoruesin, “Dark Mode” po integrohet kudo. Madje edhe vetë Facebook, më në fund po e bën pjesë të platformës së saj, edhe pse vetëm në desktop.
Duke filluar nga sot pjesa më e madhe e përdoruesve nga PC do të kenë mundësinë ti ndërrojnë pamjen totalisht, nga pozicionimi i ri i butonave, kategorive, tabeve, search-barit dhe në fund edhe ngjyrën, nga e bardhë në të zezë.
Kur versioni të të arrijë edhe ty me shumë mundësi do të shohësh një banner në pjesën e sipërme i cili të fton të provosh FB e ri.
Nëse ky mesazh të ka ardhur por e ke anashkaluar, ja se si mund ta riaktivizosh:
– Kliko në shigjetën që gjen në pjesën e djathtë sipër të Facebook në desktop.
– Kliko mbi Switch to new Facebook.
– Pasi ai të aktivizohet, kliko sërish mbi shigjete dhe aktivizo Dark Mode.
– Bonus Point: Ndiq Geek Room në Facebook
Ti mund të kthehesh përsëri në designin klasik, por pamja e re do të bëhet standarte diku nga fundi i këtij viti.
Në ditë si këto ku aktiviteti kryesor është të lëvizësh shikimin nga njëri ekran tek tjetri, do të ishte goxha lehtësim për sytë.
